3
నడిపించు నా నావా
Nadipinchu Naa Naavaa
నడిపించు నా నావా
నడిసంద్రమున దేవా
నవ జీవన మార్గమున
నా జన్మ తరియింప
నడిపించు||
1. నా జీవిత తీరమున
నా అపజయ భారమున
నలిగిన నా హృదయమును
నడిపించుము లోతునకు
నాయాత్మ విరబూయ
నా దీక్ష ఫలియింప
నా నావలో కాలిడుము
నా సేవ జేకొనుము
నడిపించు||
2. రాత్రంతయు శ్రమపడినా
రాలేదు ప్రభు జయము
రహదారులు వెదకినను
రాదాయెను ప్రతిఫలము
రక్షించు నీ సిలువ
రమణీయ లోతులలో
రతనాలను వెదకుటలో
రాజిల్లు నా పడవ
నడిపించు||
3. ఆత్మార్పణ చేయకయే
ఆశించితి నీ చెలిమి
అహమును ప్రేమించుచునే
అరసితి ప్రభు నీ కలిమి
ఆశా నిరాశాయే ఆవేదనెదురాయె
ఆధ్యాత్మిక లేమిగని అల్లాడే నా వలలు
నడిపించు||
4. ప్రభు మార్గము విడచితిని
ప్రార్ధించుట మానితిని
ప్రభు వాక్యము వదలితిని
పరమార్ధము మరచితిని
ప్రపంచ నటనలలో ప్రావీణ్యమునుబొంది
ఫలహీనుడనై యిపుడు పాటింతు నీ మాట
నడిపించు||
5. లోతైన జలములలో
లోతున వినబడు స్వరమా
లోబడుటకు నేర్పించి
లోపంబులు సవరించి
లోనున్న ఈవులలో లోతైన నా బ్రతుకు
లోపించని అర్పణగా లోకేశ జేయుమయ
నడిపించు||
6. ప్రభు యేసుని శిష్యుడనై
ప్రభు ప్రేమలో పాదుకొని
ప్రకటింతును లోకములో
పరిశుద్ధుని ప్రేమకథ
పరమాత్మ ప్రోక్షణతో
పరిపూర్ణ సమర్పణతో
ప్రాణంబును ప్రభు కొరకు
ప్రాణార్పణము జేతున్
నడిపించు||